චිත්ත සංයම අභ්‍යාස හා භාවනා වැඩසටහන
සැම මාස 3කට වරක් පවත් වනු ලබන චිත්ත සංයම අභ්‍යාස හා භාවනා වැඩසටහන තුලින් සම්ප්‍රදායානුකූලබෞද්ධ භාවනා ක්‍රම, සමථ භාවනාවේ එන කමටහන් 40, හා විදර්ශනා භාවනා වලට අමතරව ලොව පවතින විවිධ භාවනා ක්‍රම කිහිපයක් හදුන්වාදෙනු ලැබේ.අන් භාවනා ක්‍රම වලට වඩා බෞද්ධ භාවනාවල ඇති හරය මෙතුලින් ඔබට පසක් වන ඇත. වැඩසටහන ක්‍රමවත්ව පිළිවෙලට සකසා එහි දේශන කරනු ලබන්නේ මෙත් සවිය නිර්මාතෘ විද්‍යාකීර්ති මහාචාර්ය චන්දන ජයරත්න මහතා විසිනි.
මෙම වැඩසටහන ත්‍රෛමාසික වැඩසටහනක් වන අතර සෑම ඉරුදිනකම ප.ව. 2.00 සිට 4.00 දක්වා අප ප්‍රධාන කාර්යාලය පිහිටා ඇති වැල්ලවත්ත ශ්‍රී වි‍ජයාරාමයේදී පැවැත්වේ. තවද ශ්‍රව්‍ය දෘශ්‍ය මාධ්‍ය භාව්තා කර පවත්වනු ලබන මෙම වැඩසටහන සඳහා දැනටමත් දහස් ගණනකට අධික අධිකරණ විනිසුරුවන්, වෛද්‍යවරුන්, ව්‍යාපාරිකයන්, ගුරු භවතුන්, කාර්මික ශිල්පීන් ඇතුළු විවිධ වෘත්තීන් වල සිටින පිරිසක් සහභාගී වී ඇත. මෙම වැඩසටහනේදී පුහුණු කරවනු ලබන භාවනා සහ චිත්ත සංයම අභ්‍යාස කිහිපයක් පහත දක්වා ඇත.
- සමථ භාවනා ක්‍රම, ආනාපානසති භාවනාව, මෛත්‍රී භාවනාව, දස කසිනය, සක්මන් භාවනාව, මරණානුස්සතිය, දස අශුභය, දස අනුස්සතිය ආදිය.
- විදර්ශනා භාවනාව.
- සක්මන් භාවනාව.
- බුරුම සහ සියම් භාවනා ක්‍රම.
- ටිබෙට් හා යෝග භාවනා ක්‍රම හැඳින්වීම.
- බටහිර මනෝ විද්‍යාවේ එන සංයම අභ්‍යාස ක්‍රම (Relaxation Techniques) හා NLP ක්‍රම.
- සිතෙහි ඇල්පා අවස්ථාව භාවිත‍යෙන් ලෞකිකජීවිතයේදී සාර්ථකත්වය ළගා කර ගන්නා ක්‍රම.
- භාවනාව තුලින් රෝග නිවාරණය වන අන්දම, සතුරන්ට මුහුණ දෙන ක්‍රම, අධ්‍යාපනය සඳහා ධාරණ ශක්තිය වැඩි දියුණු කර ගන්නා අන්දම.
- අනිමිතුලෝචන භාවනාව.
- පරමෝත්කෘෂ්ඨ (TM) භාවනාවට සමාන භාවනා, මාර්ග සහ වෙනත් භාවනා ක්‍රම.
සාර්ථකව ඉගෙනීම හා විභාග සමත් වීමේ වැඩසටහන
සාර්ථක ඉගෙනීම හා විභාග සමත් වීමේ නවීන ක්‍රමවේද වැඩමුළුව මෙහෙයවනු ලබන්නේ මහාචාර්ය චන්දන ජයරත්න මහතා විසිනි. මෙත්සවිය සංසදයේ සමාජිකයන් හා ඔවුන්ගේ දරුවන් සඳහා නොමිලයේ පවත්වන ඉගෙනීම හ විභාග වැඩ මුලුවට සහභාගි වියහැකිය.
සාමාජික භවතා සමඟ පැමිණීම හෝ ලමුන් තනිව පැමිණෙන්නේ නම් උප්පැන්න සහතිකයේ පිටපතක් හා සාමජිකයාගේ ලිපියක් රැගෙන ආවිට නොමිලයේ සහභාගී විය හැකිය. එක් සාමාජිකයෙක් සඳහා එක් මුද්‍රිත සටහනක් පමණක් සැපයේ.
සාමාජික නොවන බාහිර සිසු සිසුවියන්ට හා අන් අයටද අයටද සහභාගි විය හැකි අතර මුද්‍රිත ද්‍රව්‍ය හා ශාලා ගාස්තු සඳහා යන බරපැන පියවීම සඳහා එක් අයෙකුට රු 500/= මුදලක් එදිනදී ආයෝජනය කලයුතු වේ.
වයස 12 ට වැඩි ඕනෑම අයෙකුට සහභාහි වී පාඩම් කිරීමේ නවීන ක්‍රම, වේගයෙන් ලිවීමේ කියවීමේ ක්‍රමවේද, ඉගෙනීමට බාධාවන මානසික රෝග හඳුනාගැනීම, මතකය වර්ධනය සඳහා ක්‍රියා මාර්ග, බුද්ධි වර්ධන අභ්‍යාස, කාලසටහන් තැනීම, ස්වයං යෝජනා ක්‍රම හා විභාගයකදී සමත්වීමට පිළිතුරු ලියන පිළිවෙල ආදී වැදගත් කරුණු රාශියක් මෙහිදී ප්‍රායෝගිකව හඳුන්වාදේ.
මිනිසා විසින් උපතේ සිට මරණය දක්වාම නොකඩවා සිදුකරන ක්‍රියාවලියක් වන ඉගෙනීම නිසි පරිදි සිදු කරන අයුරු පැහැදිලි කරන මේ වැඩමුළුව ළමා හා වැඩිහිටි සියලු දෙනාටම වැදගත්ය.